Gazami millionip affangajaat angerlarsimaffeerupput
Araberit nutaarsiassaqartitsiviata Aljazeerap allaaserinninnera malillugu ulluni 23-ni Israelip Hamasikkunnut qaartartumeerisaqartaarnera Palæstinamiut 1.340-it Israelimiullu sakkutuut 13-it inuunerannik naleqarpoq. Palæstinamiut toqutaasut akornanni meeqqat 460-it arnallu 106-it toqutaasimapput.
Maannakkut Israelimiut nalunaaquttap akunnerini makkunanerpiaq tunuartileruttorput Gaza qaartartumeerneqarsimaqisoq qimaterlugu.
Palæstinamiullu ingerlariaqqissappata inunnik ikiuiniarnissarpassuit politikerillu suliassarpassui maanna tullinnguupput. Gazap piorsaqqinneqarnissaanut 5-6 milliardi koruunit Saudi Arabiami naalakkersuisut neriorsuutigaat, aningaasallu taakku iluaqutaassaqaat. Egyptinimi præsidenti, Mubarak, Arabiamilu qullersaaneq ilutigalugu aamma ataatsimiigiaqqusereerput. Palæstinami immikkoortortat, Hamasikkut aamma Fatah-kkut suleqatigiilersinnaanissaat anguniarneqarpoq.