Gazami ippassaq eqqissisimaneqarsimavoq sakkulersorani eqqississimasoqaqqusineq aallartinneqarmat.
Angutit aallaasillit aqqusinermi nakkutilliisinneqarsimapput, taamatuttaaq Palæstiinamiut præsidentiata Mahmoud Abbas-ip allaffiata eqqaa tamaat nakkutigineqaqqissaarsimavoq.
Tamatuma nalaa sapaatip-akunnerata aallartinnerani pikititsiniat Hamassikkut akeraasalu Fatah-kkut akersuuffigisimaqaat.
Ullumikkut Gazap illoqarfiata qeqqani pisiniarfiit ammatinneqarput naallu ulluni sisamani ulloq unnuarlu akersuuttoqarsimagaluaqisoq susoqarsimanngitsutut suna tamarmik pissuseqarpoq, ulluni kingullerni akersuunnermi inuit 13-t toqupput arlalippassuillu ikiligaallutik.