Gaza-mi sakkuaannerit sakkortusipput
Allattoq Mads Lynge
Gazami Hamas-ikkut Fatah-kkullu sakkuaannerat ullumi ullaap tungaa sakkortusineqarpoq, granat-inillu igeriussisoqartalersimalluni.
Eqqissiviilliornerit taamaasillutik nanginneqarput. Ippassaq akersuuttoqarmat inuit 14-it toqutaapput.
Eqqisseqatigiinnissaq anguniarlugu isumaqatigiinniarnissat taamaatiinnarneqarput. Hamas aamma Fatah ataatsimoorussillutik naalakkersuisunngortitsiniaraluarput, maannali taamaatiinnarneqarlutik.
Naalakkersuisunngortitsiniarnermi unittooqqasoqaannassappat, Palæstinamiut præsidentiat, Fatah-meersoq Mahmoud Abbas, inatsisartunut qinersisitseriaannaassaaq.