Sapaatip-akunnera ataaseq qaangiuppoq, Israelimiut sakkutuuat 19-inik ukiulik palæstinamiunit tigusaammalli.Taannalu pissutaalluni Israelip Palæstina qaartartumeeriffigisarlugu saassuttaqattaarpaa.
- Sakkutuugut naalakkerpakka suna tamaat atorlugu ajortumeerinianik malersuisoqalissasoq, aammalu ajortumeerinianik ikiuisut tamarmik malersorneqassapput, Ehud Olmert Israelip premierministeriat BBC-mut oqarpoq.
Hamas-it aamma sioorasaaripput.
- Israeli taamatut iliuuseqarniinnassappat, imminoriaatigalutik qaartartumeerisaqattaartussagut piareeqqapput, Hamas-it oqaaseqartartuat Izz el-Deen al-Qassam Ritzau-mut oqarpoq.
Gaza-mi taamatut ineriartortoqarnera FN-imit piareersarfigineqalerpoq. Naatsorsuutigineqarpoq Palæstinami inuit 25.000-it angerlarsimaffeerutissasut. Ilaatigut aamma nerisassanik nakorsaatissanik unnuiffiusinnaasunillu pajunnissaq FN-imit piareersarfigineqalereerpoq.