Israel-p ullaaq manna timmisartumiit Gaza qaartartumeerlugu saassuppaa. Israelimiut saassussinerat akiniaanertut taaneqarpoq, sisamanngormat Palæstinamiu ingasaassinianit al Aqsa-neersoq, imminoriaatigaluni Israelimiut sisamat toqummagit.
Palæstinami naalakkersuisut isumaqarput saassussineq Israelimiut peqquserluttuuneranik takutitsiinnartoq.
Imminoriaatigaluni qaartartumeerineq pivoq Palæstinami Hamas-it parlamentimi siuttunngormata, Israelimilu Ehud Olmert-ip partiia Kadima parlamentimut qinersinermi ajugaasorlu.
Israelimi parlamentimut siuttunngortoq, Kadima ajugaavoq, qineqqusaarnermi neriorsuinikuugami Israelip killeqarfii inissivinneqassasut.
Palæstinami præsidentip Mahmoud Abbas-ip ippassaq imminoriaatigaluni qaartartumeerinerit akueriumanngilai, eqqisseqatigiinnissarlu isumaqatigiissutaasimasoq attatiinnarniarsaraa.
Taamaakkaluartoq Israelip saassussineq ullaaq manna ingerlappaa.