Gassit issittumi qeriuaannartup masarsuiniit aniajuartut ilisimatusartunit paasineqarpoq
Institutimi ilisimatuutut misissuiffimmit Zackenbergimit, Tunup avannaarsuaniittumit, paasisat kingulliit tamanna takutippaat. Aviisimi berlingske.dk-mi tamanna atuarneqarsinnaavoq.
Metangassi tassaavoq gassi silaannarmik sakkortuumik kissakkiartortitsisartoq, CO2-millu ajornartorsiortitsinerusinnaasoq. Silaannaap kissatsikkiartornera allanngoraqisoq misissuinerit inernerisa immaqa paasinarsisinnaavaat.
Metangasimik issittup silaannartaanut aasakkut aniasoqartarnera qangali ilisimaneqarpoq. Qeriuaannartulli masarsuiniit ukiakkut aamma taama pisoqartarnera aatsaat paasineqarpoq.
Ilisimatuut paasisaat nutaat taakku atuagassiami Naturemi ullumi saqqummiunneqassapput. Allaaserinnittut pingaarnerit marluk tassaapput danskeq ilisimatooq, Torben Røjle Christensen, aamma russeq ph.d-mik ilinniagaqartoq, Mikhail Mastepanov, Lundip universitetianeersoq.
