Gassimik pilersuineq pillugu ataatsimiinniarput
Ukraine aqqusaarlugu Russit sapaatip akunnerisa aappasaa europamiunut gassimik pilersuiunnaaqqammata Ukrainemi ministeriuneq, Julia Timosjenko EU-miillu aallartitat Moskvamut isumaqatigiinniariartulerput. Russit Ukrainemiullu gassimik pilersuineq pillugu isumaqatigiissinnaannginnerat naalagaaffinnit arlalinnit isornartorsiorneqarpoq. Tysklandillu kansleria, Angela Merkel ullumi oqarpoq, pissutsit nikeriarfiusinnaannginnerat Russit aalajaatsumik gassimik pilersuisinnaanerata upperineqarunaarneranik kinguneqariaannaasoq.
Angela Merkel Ruslandip ministeriuneranik, Vladimir Putinimik Berlinimi aqagu tikeraartoqartussaavoq. Nunat Tamat Nukissiuuteqarneq pillugu Nakkutilliisoqarfiata EU-mi ilaasortat Ruslandimiit pilersorneqarnerminnik annikillisaanissaat siunersuutigereerpaat. EU-mili ilaasortat Ruslandip Ukrainellu aaqqiagiinnginneranni arlaannaannilluunniit illersuinaveersaaraluarput. EU-mi gassip pisariaqartinneqartup tallimararterutaa Ukraine aqqusaarlugu Ruslandimiit pineqartarpoq.
