Gassi qulliliornartoq atorlugu aallaasersortoq tigusarineqarpoq

Uummannami angut aallaasersortoq gassi qulliliornartoq atorlugu ullaaq manna tigusarineqarpoq. Angut 20-nik ukiulik sumut tamaanga qulit sinnerlugit aallaammik eqqartoq, politiit ullaaq arfineq-pingasunngortoq nalunaarfigineqarput.
Allattoq Bikki P. Kleist
januaarip 01-at 2010 16:52

Angut aallaasersorsinnarluni angersimasimavoq, politiillu angut oqarasuaatikkut attaviginiartarsimagaluarpaat torlulaartaallu atorlugu attaviginiarneqaqattaaraluarpoq, angullu angerlarsimaffimminit anillanngimmat gassi qulliliornartoq atorlugu aatsaat tigusarineqarpoq.

Angut 20-nik ukiulik aallaasersornissamut maleruaqqusanik unioqqutitsisutut unnerluunneqassaaq akiligassanneqassallunilu.

- Angut inuit tungaannut eqqarsimanngimmat pinerluttaalisitsinermut inatsit tunngavigalugu unnerluunneqarsinnaannilaq, vicepolitmesteri, Morten Nielsen oqarpoq.

Taamaakkaluartoq akiligassinneqartussamut akisoorujussuanngorsinnaavoq.

Angerlarsimaffimmi piginnittoq taarsiiffigineqartariaqassaaq inigisaalu eqqiarneqartariaqassalluni tamannalu akiligassinneqartussamut akisoorujussuanngorsinnaasoq oqaatigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq