Galathea 3 nunarsuarmik kaajallaaniarpoq
Allattoq Mads Lynge
Umiarsuup alapernaarsuutip Galathea 3-p nunarsuaq kaajallallugu angalanissani aggustip ulluisa aqqarnanni, tassa tallimanngorpat, aallarnissavaa.
Tallimanngorpat Københavnimiit Atlantikup avannaanukarniarluni aallassaaq, Thorshavniliaqqaartussaalluni.
Kingorna Nuuliassaaq, aggustillu naalernerani nunatsinnut tikissangatinneqarpoq.
Galathea 3 50-inik inuttaqarpoq, saniatigullu ilisimatuunik, tusagassiortunik, meeqqanillu ilaasoqassalluni.
Kingullermik danskit ilisimasassarsiorlutik taamatut angalaallarmata 50-ikkunni pivoq, ukiut marluk angalareerlutik 1952-imi Danmarkimut utermata.