- Aviisimut Sermitsiamut soorlu oqaatigereeriga SIK-mi ilaasortat neriniartarfinni akunnittarfinnilu sulisuusut akissarsiaasa isumaqatiginniassutaanissaat assortuussitigerusunngikkivut, taama radio aviismut oqarpoq GA-p pisortaa Henrik Leth.
- Naluneqanngitsutut isumaqatigiissut pingaarneq piuvoq. Taannalu najoqqutaralugu pisussaavugut isumaqatiginninniarnikkut naammassisaqartartussaalluta, soorunamilu tamanna piareersimaffigaarput.
Pingaartipparpulli neriniartarfinni akunnittarfinnilu sulisut SIK-mi ilaasortat uani qassit pineqarnersut, Henrik Leth oqarpoq.
Illuatungeriit taakku marluk ímminnut nakkaannarfigiumanngilluinnartuupput, Sulisitsisut peqatigiiffiata GA-p piumasaqaatigaa SIK-lu isumaqatigiissuteqassagunik taava SIK-miit uppernarsarneqartariaqartoq suliffeqarfinni taakkunani minnerpaamik sulisut affaat SIK-mi ilaasortaassariaqartut.
- Tamannali maanna piumasaqaatigiunnaaginnarparput, imaassinnaavorli uani maanna kippaarippallaamik oqartunga, GA-p pisortaa Henrik Leth radio aviisimut taama oqarpoq.