G-44 nunatsinni pissartanngorput

Angutit isikkamik arsaallutik Nunatsinni pissartanngorniunnerat ullumi naammassineqarput. Qeqertarsuarmi pissartanngorniuttoqarpoq, pissartanngorniunnerillu Qeqertarsuarmiunit G-44-mit aaqqissuunneqarput.
Allattoq Mads Lynge
aggustip 15-at 2009 16:02

Unamminerit marluk ullumi naammassineqarput, bronzinnanniuttoqarlunilu pissartanngorniutivittoqarmat. Pissartanngorniunnerni tupaallatsitsisut Eqaluk 54, Tasiusameersut, SAK, Sisimiuneersut bronzinnaniunnermi unammivaat, Eqaluk 54-ermiullu tupaallatsitseqqipput bronzinnakkamik.

Eqaluk 54-ip SAK-llu unamminerat nalinginnaasoq pissanganarluinnartumik naammassineqarmat unammisut tamarmik naligiipput, tamarmik pingasunik isertitaqaramik.

Unammineq taamaasilluni sivitsorneqarpoq, ajuuttoqaranili. Taamaasilluni straffeqattaarluni bronzinnattussaq nassaarineqarpoq.

Eqaluk 54-ikkut marlunnik isertitaqarput, SAK-lu ataatsimik isertitaqarluni. Taamaasilluni E-54 katillugit 5 - 4-mik ajugaavoq, bronzinnallunilu.

Pissartanngorniunnernik aaqqissuisut G-44, Qeqertarsuaq, nunatsinni pissartanngorput, Malamummut 3 - 0-imik ajugaagamik.

Unammineq arfininnguliivissoq naammassineqarpoq, pissartanngortullu maanngaanniit pilluaqquagut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq