Fritz inuunini naallugu parnaarussassanngortinneqarpoq
Josef Fritzl paniminnik atornerluisimasutut ernerminillu toqutsisimasutut inuunini naallugu parnaarussanngortinneqarpoq, eqqarsartaatsimikkut innarluuteqartut inissiisarfianiittussanngortinneqarluni.
Allattoq Louise M. Kleemann
73-inik ukiullip Østrigimiup Josef Fritzlip pineqaatissinneqarnera ullup qeqqata siorna aalajangerneqarpoq.
Fritzlip panini ukiuni 24-ni kiilerimi parnaarusimavaa, tassaniinneranilu arfineq-marlunnik meerartaarfigalugu.
Fritzlip toqutsisimanini inussiaateqarsimaninilu aallaqqaammut miserratigigaluarpai. Ippassarli tupaallatsitsilluni unnerluutigineqartut tamaasa nassuerutigivai. Tamanna pivoq paniata Elisabethip eqqartuussivimmi nassuiaataasa saqqummiunneqarnerisa kingorna.
St. Poltenimi eqqartuussisut arfineq pingasut isumaqatigiillutik aalajangerput Fritzl toqutsisimasutut pineqaatissinneqassasoq.