Frimærki kusanarnerpaaq nassaarineqassaaq

Post Greenlandip saqqumersitai marluk frimærkimik kusanarnerpaamik ujaasinermi toqqarneqarsinnaasunut ilaatinneqassapput.
Allattoq Jaaku Lyberth
aggustip 31-at 2010 10:43

Nuna sorleq frimærkimik kusanarnerpaamik saqqummersitsinnaava? Kalaallit Nunaat ? Imaluunniiit Savalimmiut, Island, Luxenbourg, Malta, Monaco imaluunnit nuna allarluinnarneq?

Europami allakkeriviit suleqatigiiffiata SEPAC-ip frimærkip ukioq 2007-imi imaluunniit 2009-mi saqqummersinneqartut akornanni kusanarnerpaap toqqarneqarnissaanut unammisitsinini aallartippaa.

Frimærkit Post Greenlandip saqqumersitai marluk unamminermi peqataatinneqassapput.

Frimærkip aappaa Nuka Godtfredsenip suliaa 2007-meersoq unamminermi peqataatinneqassaaq.

Frimærkip aappaa John Rasmussenip 2009-mi assilaa unamminermi peqaataatinneqassaaq, kalalallit Nunaata pisortatigoortuunngitsumik naasuanik taaneqarsinnaasoq, Niviarsiaq sermip iigartartup sioraani assilineqarsimasoq, assitaliunneqarsimalluni.

Frimærkemik kusanarnerpaamik taasisoqarsinnaavoq oktoberip ulluisa 30-ata tungaanut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq