Frimærkit nunatsinneersut USA-mi alutorsaatigineqartut

Nunat assigiinngitsut akornanni New Yorkimi ukioq manna frimærkinik saqqummersitsinersuarmi siullermi frimærkit Nunatsinneersut soqutigineqarluarput.
Assi © : Tele-Post
Allattoq Charlotte Holten-Møller
juunip 07-at 2016 05:16
Nutserisoq Erna Lynge

Saqqummersitsinersuaq "World Stamp Show Ny 2016" New Yorkimiittumi Manhattanimi Tele-Postip nunat avannarlermiut tallimat peqatigalugit tuniniaaveqarpoq.

Tele-Postimi Frimærkenut immikkoortortaqarfimmi pisortaq Allan Pertti Frandsen oqaluttuarpoq, Amerikap avannaamiut frimærkinik katersisartut Nunat avannarlermiut Issittormiullu saqqummersitaannut assorsuaq soqutiginnissimasut.

- Frimærkit kusanartut januaarimi immikkut saqqummersinneqartut arnat kalaallisuuinik assiliartallit assut tunisaalluarsimasut, pisortaq oqaluttuarpoq.

Frimærkilu dronningimik kalaallisoortumik assiliartalik tunisaalluarsimaqaaq.  Aammattaaq atuagaq Tele-Postip 2014-imi saqqummersissimasaa "Twelve Greenland Expedition 1818 - 1978" soqutigineqarsimaqaluni.

- Nioqquteqarfimmi inuit pingaaruteqartut akornanni attaveqaatigut nukittorsarsimavagut, Kalaallit Nunaallu nuannersumik saqqummiussorlugu, frimærkinut pisortaq Allan Pertti Frandsen nalunaarpoq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq