Frimærki nutaaq dronningimik assitalik aqagu saqqummissaaq

Dronningip 70-inik ukioqalerneranut atatillugu, immikkut ittumik frimærke nutaaq aqagu saqqummersinneqassaaq.
Allattoq Najaaraq Egede
apriilip 15-at 2010 11:43

Frimærkip saqqummersussap qulequtaraa Dronningi Kalaallillu Nunaat.

Nuummi illuinnaat eqqaanni nipaatsumi assilisaavoq, Nuup ilisarnaataa Sermitsiaq 1.210 meterimik portussuseqartoq tunuliaqutaralugulu assilisaavoq.

Dronningip 1960-imi suli prinsessiutilluni nunarput tikeraaqqaaramiuk kingorna dronninginngornermi aamma kingorna arlalippassuariarlugu tikeraartarpaa.

Dronningip kingullermik nunarput siorna tikeraarmagu una assilisaavoq.

Taamani ataqqinartorsuup inuiaqatigiinnut kalaallinut namminersornerup inatsisitaava Nuummi Inatsisartunut tunniuppaa, tassa Kalaallit inuiattut ullorsiorneranni 21. juni 2009-mi.

Asseq frimærkimi assitarinitinneqartoq, taamani assilisaavoq, kunngikkormiut assiliisartuanit Steen Brogaard-imit assilisaalluni.

Frimærke 35 koruuneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq