Frederik Nielsenip eqqaaniarneqarnera

Atuakkiortup Frederik Nielsenip ukiunik 100-liiffissaralua ulluni makkunani malunnartinniarneqarpoq.

Malunnartitsinermut atatillugu Atuakkiortut peqatigiiffiata atuakkiortut marluk nersornaaserneqarnissaat innersuussutigisimavai, ”Farip atuakkiortutut eqqaaneqaatissaa” pillugu aningaasaateqarfimmit 20.000 koruuninik nersornaasitinneqarlutik.

Nersornaaserneqartussat tassaapput – Kristian Olsen (Aaju) – aammalu Henrik Wilhjelm.

Kristian Olsenip nersorniarneqaatigaa, kalaallit kinaassusaannik oqariartuuteqartunik taalliornermi nutaaliortuunini.

Nersorniarneqartup aappaa Henrik Wilhjelm nunatsinni palasitut sulisimavoq, kalaallisut oqaluttarpoq, Frederik Nielsenillu kalaallisut ilinniartitarisimallugu.

Kiisalu kalaallit oqaluttuarisaanerannik inuusuttut ilisimasariaqagaannik Henrik Wilhjelm arlalinnik atuakkiaqarportaaq.

Nersornaasiinerit taakku Kalaallit Atuakkiortut nalliuttorsiuutigalutik ataatsimeersuarneranni novemberip tallimaanni Nuummi pisussami tunniunneqassapput.

Nalliuttorsiornermi taalliortut sulliviannik taasamik aamma ingerlatsisoqassasoq Atuakkiortut peqatigiiffiata siulittaasuata Aqqaluk Lyngep aamma oqaatigaa, taannalu Frederik Nielsenip taalliaa malillugu atserneqarsimavoq ima: ”Panna qilassuaq allaaqqivissoq”.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat