Nuuk Marathon: Frederik Brummerstedt apuuteqqaarpoq
Nuummi inuit 140-t missaanniittut takissutsinut assigiinngitsunut peqataasoralugit ippassaq arfininngornermi marathonertoqarpoq.
Peqataasuni 22-t 42 kilometerimut arpannermi peqataapput.
Arnani marathonertuni 42 kilometerit sinneqalaartuni oqilaniunnermi Sverigemeersoq Tintin Svensson ajugaagami 3 tiimit 48 minutsit 33 sekuntillu atorpai.
AAMMA ATUARUK Nuummi sialleqisumi ullumi marathonertoqarpoq
Nunatsinni marathonertartoq Miiti Lynge normu 2-nngorpoq, ajugaasumit minutsinik 12-inik kingulliulluni apuukkami.
Arnani normu 3-nngorpoq Else Marie S. Petersen.
Angutini marathonertuni Frederik Brummerstedtip ajugaanermini 3 tiimit 2 minutsit 50 sekuntillu atorpai.
Normu 2-nngorpoq, Erik Amondsen, taanna ajugaasumit 32 minutsinik sukkaannerulluni apuuttoq, normu 3-nngorlunilu apuuttoq tassaavoq Niels Ole Qvist.
Nuuk Marathon 27-ssaanik ingerlanneqarpoq.
