Franskit tuluillu aqqartartui Atlantikumi aporsimapput
Umiarsuit aqqartartut franskinit tulunnillu pigineqartut imarpimmi Atlantikumi aporsimapput.
Allattoq Lotte Holm
Tuluit Nunaanni aviisimi, The Sunimi, allaaserisat naapertorlugit aqqartartut apornerat ullut 14-it matuma siorna pisimavoq.
Kisianni tusakkat taakku tuluit franskillu illersornissaqarfiannit oqaaseqarfigineqarusunngillat.
Taamaattorli tuluit franskillu oqarput, atortunik atomitalinnik ajoqusertoqarneranik tusaamasaqaratik.
Frankrigilli aamma nassuerutigaa immap ataani ”arlaannik” apugaqarsimallutik, ilimagaluguli apugartik tassaasoq containeri.