Franskit timmisartuata uuttuutaa nassaarineqarpoq

Franskit timmisartuutaata Air France 447-p imarpimmut juunip aallaqqaataani nakkartup uuttuutai sumiissusersineqarsimasut, franskit aviisiata Le Mondep nittartagaani taama allaaserinnittoqarpoq.
Allattoq Mads Lynge
juunip 23-at 2009 08:12

Uuttuutit marluk kalerrisaarutaat franskit umiarsuaataanni sulisunit ippassaq unnukkut tusaaneqarsimasut ilisimatitsissutigineqarpoq, franskillu aqqartartuutaata Nautilep uuttuutit naleqqersorlugit naniniarpai.

Uuttuutit 4800 meterisut itissusilimmiissangatinneqarput, Air France-illi oqaaseqartartuata paasissutissat uppernarsarsinnaannginnerarpai.

Timmisartup Air France 447-p nakkarneranut pissutaasinnaasut uuttuutit atorlugit paasiniarneqarsinnaavoq, timmisartortartut akornanni oqaloqatigiinnerit timmisartullu sukkassusaa allallu uuttuutitigut paasineqarsinnaagami. Ajornartorsiulli tassaavoq uuttuutit ulluni 30-ni taamaallaat kalerrisaarisarmata.

Timmisartoq Air France 447 Brasiliami Rio de Janeiromiit Parisiliartilluni 228-nik issimasoqarluni imarpimmut juunip aallaqqaataani nakkarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq