Franskit unnerluussisussaatitaasa Macronimik isatsisoq parnaarussaatinniaraat
Franskit præsidentiannik Emmanuel Macronimik isatsisoq qaammatini 18-ni parnaarusussanngortinnissaa unnerluussisussaatitaasup piumasaraa.
Franskit præsidentiannik isatsisoq qanittumi eqqartuussivimmut sassartinneqarpoq,
pisortallu suliffeqarfiutaanni atorfilimmut sulinerani nakuusersimasutut pasineqarluni.
Præsidentimut isassineq akuerineqarsinnaanngilluinnartutut unnerluussisussaatitaasup taavaa.
28-nik ukiulik præsidentimut isatsisoq eqqartuussivimmi nassuiaanermini, politikkikkut talerperlernernik illersuisuulluni oqarpoq suliniaqatigiiffiullu De Gule Vestip aaqqissuussaanni akerliussutsimik takutitsinerinut peqataasarsimalluni oqarpoq.
Angutip 28-nik ukiullip Macron isakkamiuk pissutaaneerarpaa, Frankrigimi pisutsinnut ajortunut tamanut præsidenti ersersitsisuummat.
Angutip præsidentimik isatsisup Emmanuel Macron frankrigimi nunap immikkoortuanut La DrÔnemut tikeraarnissaa sioqqullugu ulluni arlalinni eqqarsaatigisimavaa Macron manninnik flødeskumkagimilluunniit milluussanerlugu.
