Frankrigip Raqqamik saassussineri takussutissaanerusut
Islamisk Statikkut Syriamiittut USA-mit Frankrigimiillu aatsaat taama sakkortutigisumik saassunneqarsimasut nalunaarutigineqarpoq.
Syriami illoqarfik Raqqa peqqarniisaarniaqatigiit islamisiortut illoqarfiisa pingaarnersaattut isigineqarpoq
novembarip 16-at 2015 07:29
Nutserisoq Mads Lynge
Illoqarfik Raqqa ippassaq unnukkut saassunneqarpoq. Islamisk Stat illoqarfimmi tassani pingaarnerpaatut inissisimapput. Timmisartut atorlugit saassunneqarput, ikinnerpaamik quleriarluni saassussisoqarsimalluni. Timmisartut Jordanimit De Forenede Arabiske Emiraterinit qangattarput.
Saassussinerilli takussutissaanerusut, sakkutuut naalagaata soraarninngornikup oqaatigaa. Qaartartut 20-t igeriunneqarsimasut, Frankrigip illersornissamut ministeriata nalunaarutigaa, eqqugassatillu eqqorsimagaat oqaatigineqarluni.
Islamisiortut sungiusartarfii sakkussiaateqarfiilu saassunneqarsimasut nalunaarutigineqarpoq. Taamaattoq Islamisk Statimeersut oqaatigaat saassussisoqannginnerani tassanga qimagutereersimallutik.
