Frankrigip peqqinnissaqarfimmi sulisut 3000-t akiuussuserneqarsimanngitsut suliunnaarallartikkai
Frankrigemi peqqinnissaqarfimmi sulisut 3000-it missaanniittut coronamut akiuussuserneqarsimannginnertik pissutigalugu akissarsiaqartinneqaratik angerlartinneqartut nutaarsiassaqartitsivik AFP taama allaaserisaqarpoq.
Frankrigip præsidentiata Emmanuel Macronip napparsimmavinni, plejehjemmenilu sulisut, qatserisartullu siullermeerutaasumik akiuussuserneqarnisaata tungaanut septemberip ulluisa 15-ata tungaanut suliunnaarallartippai.
AAMMA ATUARUK Frankrigemi peqqinnissaqarfinni sulisut pinngitsooratik akiuussusernissaat inatsisartuni akuerineqarpoq
Amerlanerpaat akiuussuserneqarsimapput, ilaqarlupulli akiuussusertissimanngitsunik.
Nutaarsiassaqartitsiviup AFP-p allaaserisaa naapertorlugu, napparsimmavinni sulisut 12 procentii akiuussuserneqarsimanngillat, nakorsallu namminersortut seks procentii akiuussuserneqarsimanatik.
Frankrigemi peqqinissaqarfinni sulisut 2,7 milliuuniupput, taakunanngalu 3000-it missaanniittut akiuussuserneqarsimanngillat.
/ritzau/