Frankrigimi ilinniartut akerliussutsimik takutitsisut

Frankrigimi politiit akiuunnermi atisatik atorlugit ullumi ilinniartunut gassimik qulliliornartuliortitsipput. Ilinniartut suliffeqarfinni 26-t inorlugit ukiulinnut ukiut siulliit marluk sulinerminni soraarsinneqarsinnaanngorlugit pisinnaatitsissummik inatsimmut akerliussutsimik takutitsipput.

Ilinniartut untritilippassuit ilisimatusarfik College de France Parisimiittoq tiguarniarsarigaluarpaat, politiillu unnuap ingerlanerani ilinniartut peersinnialeramikkit arlalippassuit isereersimagaluarput.

Inatsisip pilersinneqarneranut peqqutaavoq sulisitsisut inuusuttunik amerlanerusunik atorfinitsitsinissaat anguniarneqarmat. Taamaalillutik suliffeqarfiit sulisortaartik sulinngitsooqattaartartoq paasigunikku akilerujussuaqqaanngikkaluarlutik soraarsissinnaassammassuk. Akerliusulli franskit saamerliuniat tamarmik, isumaqarput inatsit sulisunik akikitsunik atorfinitsitsinissamut atorneqaannassasoq, inuusuttullu sivisuumik suliffeqarsinnaanissaanut killiliissasoq.

Bruno Julliard ilinniartut kattuffissuannit UNEF-meersup naatsorsuutigaa, akerliussutsimik takutitsinerit ingerlaannarallassasut.