Frank Lundblad 1. divisionimi misiliilerpoq
Frank Lundblad K-33 Qaqortumeersoq aamma SAK Sisimiuneersoq peqatigalugit nunatsinni pissartaaqataasareersoq Danmarkimut nuuppoq. Maanna ukiuni arsarfiusumi aallartilersumi klubbissarsinissani sulissutigileruttorpaa, taannalu nunanut allanut unammisartutut toqqarallakkat ilagaat.
Team Sydhavsøerne-mi timersornermut pisortap Henrik "Zürich" Jørgensenip Folketidende.dk-mut oqaluttuaraa Frank Lundblad akuerineqarsimasoq Lolland Falsterip assammik arsarnermi kakkannersaanni.
Nunarput sinnerlugu nunanut allanut unammisartut sungiusaasuata ikiortaata Jakob Larsenip aamma nuannaarutigaa Frank Lundblad periarfissinneqarmat 1. divisionimi unammisartuussinnaanerluni takutitsinissamut.
- Assut nuannerpoq Team Sydhavsøerne-mi kalaallit nunanut allanut unammisartuisa målmandiat periarfissimmassuk sungiusarlunilu arsaqataanissamut. Kisianni Team Sydhavsøerne 1. divisionimi unammisartuminnut målmanditaarnavianngillat. Angissutsimigut kakkassutsimigullu suli inorsarpoq, Jakob Larsen Folketidende.dk-mut oqarpoq.
