François Hollande: Peqqarniisaarniarneruvoq
Parisimi unnummanna peqqarniisaarniartoqarmat inuit ikinnerpaamik 40-t toqutaasimasut pisortatigoortumik nalunaarutigineqarpoq. Franskit nutaaarsiassaqartitsiviat AFP tusarfiit politiineersut aallaavigalugit taama nalunaaruteqarpoq.
Frankrigip tv-qarfiit ilaata BFM TV naapertorlugu toqutaasut 60-it sinnersimasinnaavaat. Kisitsisit saqqummiunneqartut nunatta nalunaaqutaa naapertorlugu unnummut qulingiluanngortoq saqqummiunneqarput.
Parisip kangisissortaani tusarnaartitsiviit ilaanni Bataclanimi tusarnaariat ikinnerpaamik 15-it toqutaasimapput. Politiit taama nalunaaruteqarput. Inuit ikinnerpaamik 100-t tusarnaatitsivimmi tassani sallunaveqqutitut suli aamma tigummineqarput. Franskit nutaarsiasaqartitsiviat AFP naapertorlugu Parisimi sumiiffinni pingasuni, sisamaniluunniit aallaasersortoqarpoq.
BFM TV naapertorlugu rockertartut USA-meersut Eagles of Death Metal Bataclanimi tusarnaartitsileruttortut sallunaveeqqutitut tigusarinninnerit aallartipput.
Inuit marluk tusarnaartitsisarfimmut iserput qilaanullu eqqalerlutik. Inuit ikinnerpaamik 15-it tusarnaartitsisarfiup nalaani toqutaapput, allallu ikinnerpaamik pingasut arsaattarfissuup Stade de Francep eqqaani qaartartumeerisoqarnerani toqutaallutik. Frankrigip nunanut allanut unammisartui Tysklandimi unammileruttortut qaartartumeerisoqarpoq. Frankrigip præsidentia Francois Hollande arsaattunik isiginnaariartunut ilaavoq.
Stade de Francep eqqaani imerniartarfimmi qaartartumeerisoqarpoq.
Frankrigimi sukannersumik aqutsisoqarnissaa Hollandep unnummut nalunaarutigaa.
Parisimi pisut Danmarkip radioata nittartagaani DR.dk-mi malinnaavigineqarsinnaapput, P1-illuunniit Radioaviisiani aamma malinnaavigineqarsinnaallutik.
LIVE TWITTER:
