Formel 1-imi sukkalisaarpallaarneq
Sukkasuumillu biilernissamik nuannarisallip pisuussutini miserratiginngilaa:
- Uanga nammineq pisuuvunga. Bremsikka pitsaavallaartutut takorloortoorpakka, Kamui Kobayashi oqarpoq.
- Siallerfiusimanngitsumi ingerlasimanngisaannarpunga, taamaammat qanoq sukkatigissanerlunga nalugakku sukkavallaarujussuarpunga. Suleqatikka utoqqatserfigaakka.
Kamui Kobayaship ippassaq siallersorujussuaq anngunniunnermi, Silverstone aputallappaa, taamaammat unammiffik panerpoq misilissimanagu.
Unammiffik ullumikkut panerpoq, taamaammat annilaarnartumik pisoqarani - japanimiup sukkavallaartumik ingerlalluni uninnera eqqaassanngikkaanni.
Mekanikerit marluk Silverstonep nakorsaanit ikiorneqartariaqarput - aappaa kullumigut ajoqusersimalluni, aappaalu kilertitersimalluni. Mekanikerit pingajuat aamma ajoqusilaarpoq, isikkamigulli annernera holdeqatimi garageaanni misissortillugu.
- Pisoq ajuusaarutigeqaara, neriuppungalu mekanikerit taakku pingasut erniinnaq ajorunnaassasut, japanimiu oqarpoq.
Kamui Kobayashi nammineq ullumi grand prixertoqarnerani normu 11-ngorpoq. Australiamiup Mark Webberip Fernado Alonso ajugaaffigaa.