Inuit atuinerulernerat 400 millionit koruuninik qaffariaateqarpoq
Kalaallit Nunaanni Naatsorsueqqissaartarfiup naatsorsugai malillugit BNP-mik taaneqartartoq 2016-imi 2,9 procentimik qaffariarsimavoq.
Innuttaasut tamatta maani Nunatsinni niuertarsimagatta qaffariarneranut peqqutaavoq.
BNP-mi nioqqutissat sullissinerillu maani ingerlanneqartartut naligi naatsorsorneqartarput - soorlu raajaniit rubinenut - meeqqanik paaqqinninnerit, sanaartornerit allaffimmilu suliat.
Tassalu tamakku 2016-ip ingerlanerani qaffariarsimasut. Kalaallit tunisassiaat sullissinerilu tamarmik 2016-imi 15,2 milliardit koruuninik naleqarput, tassa 2010-mi akigititat aallaavigalugit.
AAMMA ATUARUK Nunarput aningaasarsiornikkut 2016-imi siuariarujussuartoq
Ukiumut siulianut naleqqiullugu koruuninik 400 millioninik qaffariarlutik.
Aningaasaqarnerup 2015-misut qaffariarneranut peqqutaavoq namminersortut pisortallu maani nunap iluani aningaasaatitik atornerusimammatigit. Taassumalu saniatigut avammut tunisat gaffariarsimasut, Kalaallit Nunaanni Naatsorsueqqissaartarfik allappoq.
Aningaasaqarnerup qaffakkiartornera 2011-mili nikerarsimaqaaq. 2011-mi 2013-imilu appariarsimariarluni, tamatuma kingorna aningaasaqarneq maannamut qaffakkiartuinnarsimavoq.
AAMMA ATUARUK Løkke: Kalaallit Nunaat nammineerluni aningaasarsiornerulissaaq