Folketingip Nunarput pillugu ataatsimiititaliaaneersut nunatsinni paasisassarsiortut
![](/sites/default/files/styles/image_934x467/public/aleqa_hammond_010617.png?itok=q57D5eb5)
Ataatsimiititaliamut ilaasortat Ilulissat kangerluani tallimanngormat takusassarsioreeramik Uummannamut ingerlaqqipput.
Tassani ilaatigut najukkami politikerit naapippaat, angalanermullu pilersaarutaat naapertorlugu aamma nunaqarfinnit tassaarsuarmit eqqugaasuni Nuugaatsiami Illorsuarnilu innuttaasut aamma naapippaat.
Folketingip Kalaallit Nunaannut tunngasunut ataatsimiititaliaani ilaasortat aqqaneq-marluusut Ilulissanut ullumi ingerlaqqissapput marlunngorpallu Nuuliassallutik.
Nuummiinnermi ilaatigut Grønlandsbankenimeersunik naapitaqassapput nunatsinni aningaasarsiornikkut inissisimaneq pillugu saqqummiivigineqassallutik, aamma Inatsisartunut ilaasortanik naapitaqassapput.
Angalanerat tallimanngorpat naammassineqassaaq. Angalaqataasut ilagaat ataatsimiititaliap siulittaasua Aleqa Hammond aamma folketingimut ilaasortaq Aaja Chemnitz Larsen.