- Piffissaq nallerpoq. Danskit qinersisussanngorput. Juunip 18-iani Folketingimut qinersisoqassaaq, ministeriuneq Helle Thorning-Schmidt oqarpoq.
Pisortatigoortoq Folketingimut juunip 18-iani qinersissaagut
Ministeriunerup Helle Thorning-Schmidtip ullaaq manna tusagassiortunik katersortitsinermini Folketingimut qinersinissaq suaarutigaa.
Allattoq Simon Uldum -
maajip 27-at 2015 07:16
Ulloq qinersiffissaq tassaavoq juunip 18-iat, taamaalilluni qineqqusaarneq ullunik 23-nik sivisussuseqassaaq.
AAMMA ATUARUK Folketingimut qinersinissaq ministeriunerup ullumi suaarutigissavaa
- Danmarkimi ministeriuneruneq tulluusimaarnartuuvoq. Akisussaaffimmik annertuumik nassartaqarpoq. Danskit uanga siuttussatut toqqarpannga ingerlaaserput ingerlatiinnarusuppara, Helle Thorning-Schmidt tusagassiortunik katersortitsinermi taama oqarpoq.
AAMMA ATUARUK Nunatsinnit kikkut Folketingimut qinigassanngortissanersut suli nalunartoq
- Danskit tamaasa qinersilluarnissaannik kissaappakka, ministeriuneq tusagassiortunik katersortitsineq naggaserlugu taama oqarpoq.
