Folketingip angalatitai alapernaarsuummut Ejnar Mikkelsenimut ilaallutik angalassapput.Assi: Forsvaret

Folketingimut ilaasortat Nunatsinnut paasisassarsiorialersut

Folketingimut ilaasortat aqqanillit Nunatsinnut paasisassarsiorlutik ulluni arfineq-pingasuni, septembarip qulinganit 18-ianut angalalerput. Folketingi KNR-imut taama ilisimatitsivoq.

Politikerit angalanertik Ilulissani aallartissavaat, ilaatigut Kangiata sermia, nunarsuarmioqatigiinnut kingornussassanngortinneqarsimasoq takuniassallugu, aamma pineqaatissinneqarsimasunut inissiisarfik illoqarfimmiittoq pulaassavaat.

Ilulissaniissinnarlutik kujavartissapput. Umiarsuarmut alapernaarsuummut Ejnar Mikkelsenimut ilaallutik Aasiannukassapput, Sisimiunut Maniitsumullu. Angalanerat Nuummi naggaserneqassaaq.

Folketingimut ilaasortat alakkartigassaat ilaatigut tassaapput Royal Greenlandip tunitsivia, nerisassanik tunisassiorfik Lilleholm Food, ilinniartoqarfiit kulturileriffiillu arlallit kiisalu aamma Pinerluuteqarsimasunik Nakkutilliisoqarfimmeersunik, Nunatta Eqqartuussivianeersunik Naalakkersuisunullu ilaasortanik naapeqateqassallutik.

Aammattaaq nunaqarfiit Ilimanaq aamma Kisitsissuarsuit sivikitsumik tikinneqassapput.

Folketingimi partiit tamarmik immikkut ilaasortaatitaminnik ataatsimik peqataatitsisinnaapput. SF aamma De Konservative kisiartaallutik angalanissamut qujaannarsimapput, taamaalillutillu Dansk Folkeparti aamma Socialdemokraatit tamarmik immikkut marlunnik angalatitaqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat