Folketingimi ullumi ammaanersiorluni oqallittoqassaaq

Sara Olsvigimut sinniisutut sulilerlaaq, Johan Lund Olsen allakajaamik suliassaqalersimavoq. Aviisimmi Politikenip Folketingimut ilaasortap ammaanersiorluni oqallinnermi peqataaqqaarnerani malittariniarpaa. Johan Lund Olsen aviisip nittartagaanut nalunaaquttap akunnikkuutaartumik allattarpoq. Taamaalilluni aamma atuarneqarsinnaavoq arfineq pingasut qaangerlugu tanneq pingasut seqinnarissuarmi oqalugiaatissani ’Hastværk, lastværk og langsommelighed’ taskimini nassarlugu Christiansborgimut pisuttuartoq.

Johan Lund Olsenip Folketingip ataatsimiittarfiani allaffiata qaavani tupilak aarnuassatut ilisimavaa mappianilu nipititaagaq urani naamimik allassimasoq ersarilluinnarpoq.

Uranilumi oqallisigisassat pingaarnerit ilaginngitsoornavianngilaat. Ministeriunerup marlunngormat ammaalluni oqalugiarnermini, ullumikkut oqallisigineqartussami, eqqaasaasa aamma ilagaat. Ippassarlu urani pillugu suleqatigiissitat nalunaarusiartik Folketingimi Nunanut allanut politikkimut ataatsimiititaliamut saqqummiuppaat.

Kalaallit ilaasortaatitaat marluusut ualeru oqaluttafimmut qaqinissaat naatsorsuutigineqarpoq.