Folketingimi naggataarutaasumik ullumi oqallittoqarpoq

Folketingimi ilaasortat aasaanerani sulinngiffeqartussanngorput, naggataarutaasumillu ullumi oqallittoqarpoq.

Folketingimi naggataarutaasumik oqallinneq ullaaq qulingiluanut aallartittoq Statsminister Anders Fogh Rasmussenimit ammarneqarpoq.

Taassuma ilaasortanut maannamut Danmarkip sutigut tamatigut inissisimanera nalunaarutigaa.

Nunatsinnut tunngassuteqartumik Anders Fogh Rasmussenip oqaaseqarnermini naalagaaffeqatigiinneq nutarterneqarnerarpaa:

- Kalaallit nunaanni Savalimmiunilu oqartussat nunanut allanut tunngassuteqartunut sulianut namminneq suliarinnissinnaanerat annertusineqarpoq.

- Kalaallit namminneq aningaasartaarnissaat aalajangiunneqarpoq.

Namminersorneq pillugu ataatsimiitsitaliarsuup suliaata inernera maanna qilanaarluta utaqqivarput.

Naalakkersuisuniillu naatsorsuutigaarput ukiamut suliaq annertooq saqqummiunneqarpat Kalaallit Nunaata naalagaaffeqatigiinnermi inissisimanera oqallisigiumaarlutigu, aalajangiiffiugiumaarlutigulu, Anders Fogh Rasmussen oqarpoq.

Kalaallit folketingimi ilaasortaatitaa Sofia Rossen, inuit ataqatigiinneersoq kisimi nunatsinniit tassa aatsaannguaq oqalugiarpoq.

Oqalugiarnermini ilaatigut marloqiusamik uumasut pillugit isummertarneq Sofia Rossenip uparuarpaa.

Uumasunik illersuiniaqatigiit ilungersorlutik arfernik illernartunngortitsiniaanerarpai.

Illuatungaani namminneq nunaminni puulukinik naalliutitsisut eqqaaneqarneq ajortut eqqaavai.

Siumumeersoq Lars-Emil Johansen aamma oqalugiarnissaminut periarfissinneqaraluarpoq, aallaqqaninili pissutigalugu Lars-Emil Johansen oqalugiarsinnaanngikkallarpoq.

Oqalugiaatissaraluanili ilaatigut namminersorneq pillugu ataatsimiitsitaliarsuup sulinera eqqartorneqarpoq. Tunngaviusumik inatsisip grundlovip allanngortinneqaratarsinnaanera eqqaallugu.

Lars-Emil Johansenip oqalugiaatissaraluanissaaq issittumi angallassinerup eqqartorneqarnissaa ujartorneqarpaa.

Folketingi ukiaru septembarip ulluisa arfernanni ataatsimiileqqissaaq, aappagumut aningaasanut inatsisissatut siunnersuut sammineqartussaammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat