Folketingimi ilaasortat suli eqqartorneqarput

Søren Espersenip Lars-Emil Johansen ippassaq orulunnerarlugu nimaarnerarpaa. Mette Gjerskov oqarpoq oqaatsit taamaattut Folketingimi atussallugit tulluanngilluinnartut, aningaasallu piinnarlugit Folketingimi issianermik pasinninniarnerit pissuserlunnerusut akuerineqarsinnaanngitsut.

Søren Espersenili akilluni oqarpoq, Mette Gjerskov akuliuttariqanngitsoq, Lars-Emilillu ilinniartitsisumillusooq illersorniarneqassaguni iluarinaviangikkaa. Mette Gjerskov akuliunniartariqanngilaq, sammineqartumut attuumassuteqanngilluinarluni, Lars-Emili paarisariaqartutut tasiorniartutullusooq pissusilersornernera, ilimagaara Lars-Emilip nammineq aamma illaatigiinnassagaa. Folketingimi siulittaasoqarfimmi iliuuserisakka nalilersorneqarnialissappata nammineq siulittaasoqarfimmi ilaasortaagama ilama nalilersuineranni anigallartussaassaanga, Søren Espersen oqarpoq.

Mette Gjerskovili oqarpoq, Folketingimi ilaasortat aningaasat piinnarlugit ilaasortaanerminnik imminnut paseqattaalissappata tamanna Folketingimi siulittaasoqarfiup nalilersorlugu isummerfigisariaqaraa