Folketingimi ammaanersiorneq

Folketingi ullumikkut ataatsimiilerpoq. Anders Fogh Rasmussen-ip ammaalluni oqalugiarami naalagaaffiup qanoq inissisimanera eqqartorpaa. Kalaallit Nunaat Savalimmiullu kingulliullugit tikippai, kalaallillu folketingimi ilaasortat pisarnertik malillugu nersualaarinnippallaanngillat.

Anders Fogh Rasmussen minutsini 40-ni ammaalluni oqalugiarpoq. Danmarkimi pitsaasumik ingerlatsineq sivisujaamik eqqartorlugu, minutsillu 38-t qaangiuttut Naalagaaffeqatigiinneq tikippaa.

”Naalagaaffeqatigiinneq pitsaasumik ingerlavoq.

Kalaallit Nunaat pillugu oqarusuppunga Namminersulernissamut suleqatigiinnerput ingerlalluartoq”.

Kalaallit Folketingimi ilaasortaatitaannit tamanna nersualaarneqarpallaanngilaq. Kuupik Kleist oqarpoq, ministeriuneq ministeriuninngoramili aatsaat taama pikkunaatsigisumik oqalugiaateqartoq.

Lars-Emil Johansen isumaqataavoq oqarluni, Nunatsinnut Savalimmiunullu tunngatillugu pisssutsit qanoq innerat naatsunnguamik eqqaallatsiaannaraa, anginerusumik siunissami ilungersuutissamik imaqanngitsoq oqarluni.

Inatsisartuni siulittaasup Jonathan Motzfeldtip Christiansborgip oqaluffissaarsuani ullaap tungaa naalagiartitsinerani kalaalerpassuit peqataapput. Jesusi, iivangilisti Markorsi nunattalu apostilia Hans Egede oqaluussinermi tulleriisillugit taaneqarneri tusarnerpallaanngillat. Erinarsoqatigiilli Aavaakkormiut tusarnerluinnarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat