Folketingi ullumikkut ataatsimiilerpoq
Folketingip sulinera ullumikkut aallartittoq nunatsinnut pingaaruteqassaaq. Nunatta namminersulernissaa pillugu inatsisissaq uani ukiumi ataatsimiiffiusussami eqqartorneqassaaq.
Allattoq Elisa Isaksen
oktobarip 02-at 2007 07:39
– Taamaammat ukioq una pissanganarlunilu pingaaruteqarpoq, folketingimi ilaasortaq Lars-Emil Johansen raadiuaviisimut oqarpoq.
Namminersorneq pillugu isumalioqatigiissitap sulinera maannamut kinguaattoqasoq aqagu isumaqatiginninniutigineqassaaq. Isumalioqatigiissitami ilaasortat danskit marluk kalaallillu marluk kiisalu isumalioqatigiissitap siulittaasua tullialu ataatsimiinnermi peqataassapput.
Folketingimi ilaasortat kunngikkormiut ilagalugit Christianborg Slotskirkemi maannakkorpiaq naalagiarput.
