Qalasersuaq tamatta pigaarput, taamatut isumaqarluni oqartoq tassaavoq, danskit Statsminister-iat Anders Fogh Rasmussen, Aviisimi Politiken-nimi apersorneqartilluni. Qalersuaq kimit pigineqarnersoq piffisami kingullermi oqallisigineqarpoq, taamatullu oqarnermigut qalasersuarmik piginnittuujumallutik oqallittunut Danmark akulerutinniarnagu ersersippaa.
Canada Rusland-ilu ulluni kingullerni Qalasersuarmik piginnittuunerarlutik suaaruteqartarput, Statsminister-ilu isumaqarpoq taamatut periuseqarneq kusananngitsuusoq. Nunat assigiingitsut qalasersuarmik piginnittuujumanerat kingunerluttussaavoq, qalasersuaq pillugu ekspert-iunngikkaluarpunga, isumaqaqqajaavungali qalersersuaq nunarsuarmiunit tamanit pigineqartoq, Anders Fogh Rasmussen politiken-imut oqarpoq.
Ilanngullugulu oqaatigalugu Danmark qalasersuaq pillugu soqutiginnimmat, qalasersuup imartaata naqqatigut nunap sananeqaataa pillugu misissuisoqarnera innersuussutigalugu.
