Fogh Rasmussen Afghanistanimut tikeraarpoq
Ministeriuneq Anders Fogh Rasmussen Afghanistanip illoqarfianut pingaarnermut, Kabul-imut ippassaq tikeraarpoq, taama DR allappoq.
Fogh Rasmussenip Afghanistanimiut præsidentiat, Hamid Karzai, danskillu sakkutuui tappavaniititat ilai ilassivai.
Pulaagaasa aamma ilagaat niviarsiaqqat atuarfiat, tassaniinnerminilu atuakkanik nutaanik tunissuteqarpoq.
- Afghanistanimut tikeraarnera nuannaarutigeqaara, maluginiarparami, nunami politikerit assut nunamik ingerlalluarnissaanik soqutiginnittut ataatsimoortitsisinnaassuseqartullu, Anders Fogh Rasmussen oqarpoq.
Afghanistanimi Danmarkip sakkutuuliussai 200-nik ilassanersut Folketingimi ilaasortat siullermeerlutik ullut marluk matuma siorna oqaluuserereeraat.
Siunnersuut akuerineqassappat NATO-p Afghanistanimi isumannaallisaaneranut atatilllugu danskit sakkutuuliussai 640-nngussapput.
