Fogh-ip Muuamaamik titartakkat utoqqatsissutigiumanngilai
Nunat Killiit Illersoqatigiiffianni, Nato-mi, qullersatut atorfininnermini, Anders Fogh Rasmussen ullumi misilitseriissaq. Danmarkip Radioa taama ilisimatitsivoq.
apriilip 06-at 2009 08:28
Tassami Fogh Tyrkiamut ullumi kingusinnerusukkut ataatsimiigiassaaq, Muuamaamik illaruaatissiilluni aviisimi Jyllands-Postenimi titartakkat Anders Fogh Rasmussenip utoqqatsissutigissagai Tyrkiami tusagassiorfiit naatsorsuutigaat.
Anders Fogh Rasmussenili Tyrkiamut ataatsimiigianngilaatsiarnermini oqarpoq, "Killiligaanata Danmarkimi oqaaseqarsinnaanerput utoqqatsissutiginavianngilarput".
Muuamaamik illaruaatissiilluni titartakkat kingumut oqallisigineqaqqilerput, Tyrkiamimi ministeriuneq, Erdogan, tamaani tusagassiorfinnut ippassaq oqarmat, titartakkat pillugit pisumi paasinninnerunissani Anders Fogh Rasmussenip neriorsuutigisimagaa.
