Fogh atsiorpoq
Ministeriunerup Anders Fogh Rasmussen-ip Danmark sinnerlugu EU-p isumaqatigiissutaa nutaaq Lissabon-imi isumaqatigiissut ullumi atsiorpaa.
Allattoq Jokum Nielsen
Atsioqatigiinneq persuarsiorfiulluni naalakkersuinikkut siuttunit Lissabon-imi Portugalimi ingerlanneqarpoq.
Nunat 27-iusut tamarmik inatsisartutigut akuersippata isumaqatigiissut 2009-imi ukiortaami atuutilissaaq. Irland nunani ilaasortaasuni kisimiilluni isumaqatigiissutip taasissutiginissaa aalajangerpaa.
Ministeriunerup atsiornerata kingunerissavaa eqqartuussisunut tunniussaaneq, tassami unnerluutigineqartussanngorpoq inatsimmik tunngaviusumik unioqqutitsisutut, tamannalu pissaaq innuttaasut taasitinneqanngimmata.