Taamatut aalajangerneq pivoq FN-ip sulisui tallimat talebaninit sapaatit akunneranni kingullermi toqunneqareersullu.
Naalagaaffiit peqatigiit Afghanistanimiititaanni pisortaasoq oqarpoq qimarnguttoqalinngitsoq. Sulisut ilai Afghanistanip ilaani najummassimanannginnerusuni nuunneqassapput, ilaalu Afghanistanip avataanut inissinneqassallutik.
Kingullermik pingasunngormat imminut toqoriaatigalutik qaartartumeerisoqarmat FN-ip sulisui tallimat toqutaapput, Talebaninillu saassunneqaqqinnissamik sioorasaarneqarnertik FN-ip sulisuisa naammigilermassuk, taamatut iliorniartoqalerpoq.
Sulisorpassuillumi nussorneqarniarnerisa kinguneranik FN-ip Afghanistanimiiginnarsinnaanissaanik qularinnittut amerliartorput.