Flying Superkids unitsiinnarpoq
Angallanneq pissusissamisooqqilerpat qaqugu pinissaat nalunaarutigineqarumaarpoq, Katuaq tusagassiutinut nalunaarummini taama allappoq.
Kulturip illorsuaa Air Greenlandi suleqatigalugu takutitsinissaq aaqqissuuppaat, pilersaarutillu malillugit arfininngornermi apriilip 24-nni ingerlanneqartussaagaluarpoq.
Aammattaaq Sisimiuni apriilip 20-ni Ilulissanilu apriilip 22-ni takutitsinissaraluit unitsinneqarput.
Flying Superkids siullermik eqaarsaaqatigiittartutut nalinginnaasutut aallartikkaluarput, nunanili tamalaani takutitsisartutut ilisimaneqalerlutik, nunarsuarmilu meeqqanik aliikkusersuisartunik pikkorinnerpaanik taaneqartalerlutik.
Eqaarsaaqatigiittartuni nukappiaqqat quliupput arfineq-pingasuninngaanniit 24-nik ukiullit. Eqaarsaaqatigiittartut Kalaallit Nunaannut anngukkunik tamanna angalanerissavaat siulleq.