Flying Superkids kinguartittariaqarpoq

Air Greenlandip Katuallu Nuummi takutitsinissaat Flying Superkids aamma timmisartuussinerit taamaatinneqarnerannik eqqorneqarpoq taamaattumillu sap. akunneranik ataatsimik kinguartinneqarluni.
Allattoq Apollo Jeremiassen
apriilip 16-at 2010 14:10

Takutitsinissaq pilersaarut malillugu Nuummi pissaaq, Nuummili paarlaasseqatigiinneq pilersaarutigineqaraluartuminngarnit arfininngornermi apriilip 24-anni pissalluni. Arfininngornermi apriilip 24-anni nal. 10.00 Inussivimmut atinik nalunaarsuiniarluni aggiinnartoqarsinnaavoq.

Manna tikillugu takutitsinerit paarlaasseqatigiinnerillu Sisimiuni pilersaarutit malillugit apriilip 20-anni Ilulissanilu apriilip 22-anni pissapput.

Flying Superkids siullermik eqaarsaaqatigiittartutut nalinginnaasutut aallartikkaluarput, nunanili tamalaani takutitsisartutut ilisimaneqalerlutik, nunarsuarmilu meeqqanik aliikkusersuisartunik pikkorinnerpaanik taaneqartalerlutik.

Eqaarsaaqatigiittartuni nukappiaqqat quliupput arfineq-pingasuninngaanniit 24-nik ukiullit. Eqaarsaaqatigiittartut Kalaallit Nunaannut anngukkunik tamanna angalanerissavaat siulleq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq