Flemming Knudsen Royal Greenlandimi pisortaaninngorpoq

Nunatsinni suliffissuit annersaanni, Royal Greenland-imi siulersuisut nalunaaqutaq aqqanermut tusagassiutinut nalunaaruteqarnerminni suliffeqarfissuarmi qullersanngortut nutaat ilisaritinnerat avammut saqqummiuppaat.

Sulifissuarmi pisortaaninngortoq tassaavoq; Flemming Knudsen, Air Greenland-imi maannamut pisortaasoq. Taamaalillunilu timmisartuutileqatigiiffiup annaavai; pisortaq kiisalu siulersuisuni pisortaq Peter Grønvold Samuelsen maanna Royal Greenlandimut nooreersoq.

Suliffissuarmi pisortaagallartoq; Paviâraq Heilmann

siunissami pisortamut tullersortitut ivertinneqarpoq, taassuma taarserpaa maannamut pisortamut tullersortaasimasoq; Henrik Leth.

Pisortat taakku marluk ukiuni sisamani atuuttussamik isumaqatigiissusiorfigineqarlutik atorfinitsinneqarput.

Flemming Knudsenip suliffissuarmi pisortaanermi saniatigut Paviâraq Heilmannimut ilitsersuisuussaaq.

Taamaalillunilu tassa suliffissuarmi atorfimmut qaffasisumut ivertinneqarpoq, naak taassuma tungaatigut immikkut isumaqatigiissusiortoqanngikkaluartoq.