Finn Karlsen tamanut tapiissuteqarnissamik neriorsuisimavoq
Kujataani savaatillit nuannaarutigeqisaannik, Namminersorlutik Oqartussat aningaasanik 15 milliion koruuninik tapiinissamik neriorsuisut, Radioaviisimi ippassaq eqqartorparput.
Maannali paasinarsivoq Aalisarnermut Nunalerinermullu Naalakkersuisup, Finn Karlsenip savaatillit taama suli neriorsornagit, Nunatsinni aalisartunut neriorsuisimasoq, taakku aappaagu aningaasanik aamma tapiiffigineqarumaartut.
AAMMA ATUARUK Savaatilinnut aningaasat millionerpassuit
Tamanna KNAPK-p pisortaata, Petrus Biilmannip uggoraa.
KNAPK-p pisortaata Petrus Biilmannip erseqqissarpaa, savaatillit aningaasanik aalisarnermut atugassanit tapiissutisinissaat isornartorsiunnginnamikku.