Finn Karlsen siulittaasutut qinigaaqqippoq

Partiip siulittaasua Kalaallit Nunaanni Kommunit Kattuffiata, KANUKOKA-p, siulittaasuanit, Søren Alaufesenimit, qulinit taaneqartumit, unammillerneqarpoq, Finn Karlsen 34-nit taaguunneqarpoq. Inatsisartunut ilaasortaq Emilie Olsen siulittaasumut qinigassanngorteqqullugu aamma kaammattorneqaraluarpoq, taannali kaammattuummut qujaannarallarpoq, oqamisaarlunili siulittaasussarsiortoqaqqilerpat sassarnissaminut piareersimassalluni.

Illoqqortoormiuni piniartut qilalugartamik tuugaavinik mattaannillu taamaallaat angerlaassuisimasut ataatsimeersuarnermi peqataasunit amerlanerussuteqartunit sakkortuumik assuarineqarput, assuarlernerli tamanit isumaqatigineqanngilaq.

Augusta Salling, Jensine Berthelsen aamma Søren Alaufesen mianersoqqusipput oqarlutik, qilalukkat pillugit pisoq mianersuunneqarallaqqullugu, politiillu misissuinerata naammassinissaa utaqqimaarneqarpat ajunnginnerussasoq. Kisianni tassa Finn Karlsenip Ark’alo Abelsenillu illoqqortoormiormiunut piniartunut sakkortuumik assuarliinerat amerlanerussuteqartunit tapersersorneqarpoq.