Finn Karlsen: - Qalerallit mikivallaarsimapput
Qalerallit Nukik Seafood-imut pisassiissutit 600 tonsit ilaat 64 tonsit nunatsinniit anninneqarlutik tunineqarneri, Demokraatit apeqquserpaat.
Aalisarnermut naalakkersuisoq Finn Karlsen oqarpoq, illoqarfik Qaqortoq qaleralinnik tulaassivissatut isumaqatigiissutaasimasoq isumaqatigilluinnarlugu, qalerallit Nukik Seafood-ip pisarisimasai mikivallaartut, nunanut allanut annisiinnarneqarnisaat isumaqatigiissutigineqarsimasut, tamannalu Naalakkersuisunit akuersissutigineqarsimasoq, Aalisarnermut naalakkersuisoq Finn Karlsen oqarpoq.
- Mikivallaanik pisaqarsimanerat uppernarsinikuuarput, taakkualu mikivallaat maskiinamut naleqqussimanngillat. Siusinnerusukkullu qinnutiginikuuaat, 60 tonsit nunanut allanut tuniinnarnissaat, taakkualu akuerinearnikuupput, Qaqortup kommunea isumaqatigalugu. Aamma Arctic Green Food-ip tunineqarnerata kingorna piginnittunngortut, qaleralinnik mikisunik tigusinissaminnut itigartitsisimapput, taakkualu allaganngorlugit pigaagut, taamaammat qalerallit mikisut kingulliit aamma avammut suliassanngortinneqarneri naalakkersuisut tamarmik akuerisimavaat.
