Finn Karlsen: Nukissiuutit piujuaannartut savaatilinnut
- Uanga Nuummut uteruma periarfissat suunersut misissorlugit aallartissaanga, taama neriorsuivoq Nunalerinermut Naalakkersuisoq Finn Karlsen.
Ukiaminngaanniit ikummatissamik eqqanaarsarnissaat aallartittussaavoq, aningaasarpassuit atorlugit pisiortortariaqassapput, ikiorserneqarnissaat qanoq eqqartornikuuisiuk?
- Savaatillit isorliunerusuni najugalinnut allanut sanilliullugit assartuinermut aningaasartuuteqangaatsiartarput, avinngarusimasorujussuungamik. Nunaqarfinni uuliamik angisoorujussuarmik pigisaqartarput, savaateqarfiit nunaqarfiunnginnamik mikisukkuutaarlugit pajunneqartarput, taamaattumik uulia aningaasarpassuit atorlugit tikisittarpaat. Aamma savaatillit periarfissaqareerput namminneq bankimut attartorlutik aningaasaliinissaminnik, taamatuttaaq Namminersornerullutik Oqartussat qularnaveeqqusiisinnaapput. Siunissaq ungasinnerulaartoq eqqarsaatigalugu misissuinerput ingerlapparput.
Savaatillit ilaqarput erngup nukinganik atuinissamik periarfissaqanngitsunik, allatut ajornatumik seqerngup anorrillu nukinga atorlugu periarfissarsiuussinnaanerat misissortariaqarparput, nalunngilara tamanna Sisimiuni misissorneqartoq, Finn Karlsen oqarpoq.
