Piniarnermut siunnersuisoqatigiinnik Demokraatit pilersitsiniarput, ukiullu ataatsip missaani tamanna piumasarisimallugu.
Aalisarnermut piniarnermullu naalakkersuisup, Finn Karlsenip tamanna paasiuminaatsilluinnarpaa.
- Siunnersuisoqatigiinnik peqareeratta tamanna paasiunaatsittorujussuuara, Finn Karlsen oqarpoq, nangillunilu:
- Taamaattumik eqqortumik aperineqartariaqaraluarput. Piniarneq pillugu siunnersuisoqarpugut, taakku sumut taava atussagatsigit? Aalisarneq pillugu siunnersuisoqarpugut, nunalerineq pillugu siunnersuisoqarpugut, Sisimiunilu isumasioqatigiikkatta tamakku apeqqutigigaluarpakka assigiinnik marlunnik peqassanersugut, Finn Karlsen naggasiivoq.