Finlandip Sverigellu NATO-mut ilaasortanngorsinnaanissaat Tyrkiap maanna tapersersoraa

- Kissaativut Sverigep Finlandillu naammassivaat, Tyrkiap præsidentiata allattoqarfianit oqarput.
Sverige Finlandilu NATO-mut ilaasortanngussappata oqaaseqaannarnatik pimoorussillutik iliuuseqartarnissaat piumasaralugu, Tyrkiap præsidentiata Recep Tayyip Erdoganip NATO-p Madridimi ataatsimiinnginnerani oqaatigaa. Assi © : Nato/Reuters/Ritzau Scanpix
Allattoq Ritzau
juunip 29-at 2022 08:56
Nutserisoq Mads Lynge

Nunanit avannarlerni nunat marluk taakku NATO-mut ilaasortanngorsinnaanissaannut itigartitsiniarnini tunuartillugu, Tyrkiap præsidentiata illoqarfiit pingaarnersaanni Ankarami allattoqarfiata ippassaq tamanna uppernarsarpaa.

NATO-p qullersaata Jens Stoltenbergip, Tyrkiap, Sverigep Finlandillu ippassaq ataatsimiinneranni tamanna pivoq.

- Sverigep Finlandillu ilaasortanngorsinnaanissaannut isumaqatigiissusiorsinnaanerput nalunaarutigisinnaallugu nuannaarutigaarput, Jens Stoltenberg ippassaq ataatsimeereernerup kingorna oqarpoq.

AAMMA ATUARUK Finlandip Sverigellu NATO-mut ilaasortanngorsinnaanissaannut suli pilersaarusiortoqarsinnaanngitsoq

Sverige Finlandilu NATO-mut ilaasortanngussappata oqaaseqaannarnatik pimoorussillutik iliuuseqartarnissaat piumasaralugu, Tyrkiap præsidentiata Recep Tayyip Erdoganip NATO-p Madridimi ataatsimiinnginnerani oqaatigaa.

Tyrkiap ernumassutigisai piumasarisaalu paasilluarlugillu akueralugit, Sverigep Finlandillu allaganngorlugu saqqummiuppaat. Nutaarsiassaqartitsivik Ritzau taama allappoq.

Finland, pingaartumillu Sverige sorsukkumatuunik kurderinik nunaminniititaqartutut, Tyrkiap pasivai. Kurderit Tyrkiami ukiorpassuanngulersuni pikitsitsisimapput.