Finlandip Sverigellu NATO-mut ilaasortanngorsinnaanissaannut suli pilersaarusiortoqarsinnaanngitsoq

Finlandip Sverigellu nunat killiit illersoqatigiiffiannut NATO-mut ilaasortanngorsinnaanissaannut anguniagassamut pilersaarusiornissamut suli periarfissaqanngilaq.

NATO-mi qullersaq Jens Stoltenberg tusagassiortunut pingasunngornermi sassarnermi taama oqarpoq.

NATO-p Bruxellesimi qullersaqarfiani ulluni tulliuttuni marlunni ataatsimiittoqarnissaanut atatillugu Stoltenberg taama oqarpoq. Tyrkiap nunat marluk taakku NATO-mut ilaasortanngornissaannut akerliunera piffisaliisoqarsinnaannginneranut pissutaavoq.

AAMMA ATUARUK Sverigep Finlandillu NATO-mut ilaasortanngornissamut qinnuteqaatitik tunniukkaat

Finlandip pingaartumillu Sverigep Kurderit partiiannik PKK-mik ajornanngitsitsivallaartut Tyrkia isumaqarpoq. PKK peqqarniisaarniartutut, EU-mit, USA-mit Tyrkiamiillu nalilerneqarpoq.

Sverigep peqqarnisaarniartarnerup akiorniarneqarnerani peqataavoq, Sverigemi ministeriunerup Magdalena Anderssonip Jens Stoltenberg peqatigalugu tusagassiortunik ataasinngornermi katersortitsinermi oqaatigaa.